Både bibliotek og bokhandlarar landet over melder om auka utlåns- eller salstal, så det har openbert vore eit godt litteraturår i 2009.
På topp 10-lista for barn er det mange klassikarar som går att. Det kan sjå ut som om mange foreldre låner det dei sjølv las som barn. Det finst mykje godt og gamalt, men samstundes er det verdt å sjå etter nye røyster frå vår eiga tid.
Utlånsstatistikken viser elles at 2009 er det beste året sidan 2005 når det gjeld utlån frå Time bibliotek. Det er grunn til å tru at ordskiftet om det nye biblioteket og Garborgsenteret har gjort folk i kommunen meir merksam på bibliotektilbodet som allereie finst òg.