"Me treffest her kvar dag nå før eksamen, fordi det er så praktisk. Her får me tilgang til fagbøker og oppslagsverk, og til biblioteket sine publikumspc-ar viss me ikkje har med vår eigen laptop" seier dei i kor. "Ja, og kaffi og te, og gratis, kaldt vatn" skyt Kristine inn. "Og så slepp me å reisa heilt inn til universitetet, sidan me bur på Undheim og Klepp" seier Malin.
"Gler de dokke til det nya biblioteket, då?" spør bibliotekaren retorisk. "Jo, klart - men kor skal det eigentleg liggja?" Jentene er usikre på det.
Dermed finn bibliotekaren fram teikningar, peikar og forklarer. Det nya biblioteket skal liggja rett sør for høghuset i Hetlandsgata. Grovbygget er alt reist. Jentene blir ivrige. Så spennande!
Me likar å sitja ein plass kor me kan snakka saman, ikkje på lesesalen der det må vera stille. "Kanonbra at studentar kan få utlevert dørkort til grupperom i det nya biblioteket, kor me kan koma og gå som me vil, også utanom opningstida!" jublar Maren. "Så til eksamen neste år sit me kanskje der!?"
"Men det er veldig koseleg her også" avsluttar dei samstemde, før dei bøyer seg over bøker og oppgåver igjen.