Markeringa starta presis kl 10 ved at Synneva Erland og Bjor Bohne framførte tonesett dikt av Jens Bjørneboe. Deretter kunne ordførar Arnfinn Vigrestad stolt konstatera at eit langvarig arbeid både for nytt folkebibliotek og nasjonalt Garborgsenter endeleg kunne konkretiserast ved å setja spada i jorda.
Styreleiar i Jærmuseet Arne Norheim såg fram til interkommunalt samarbeid med det nye "litteraturhuset" på Bryne, mens barne- og ungdomsbokforfattar Bjørn Sortland på ein enkel og nær måte klarte fanga merksemda frå dei 250 5.klassingar som var særskilt inviterte til den høgtidelege markering ved å lesa frå ei av bøkene sine.
At Time bibliotek til slutt spanderte boller og vannflaske til alle ungane viste seg å vera svært populært, og sette punktum for gladhendinga mens tonane av "Summertime", sunge av Synneva Erland og akkompanert av Bjor Bohne, tona av den offisielle delen.
Om sola viste seg litt tilbakehalden, er dette er ein udelt strålande dag for mange her i regionen - og også på landsbasis.